Monday, December 08, 2008

ಅಂತರ











ಮುಂಜಾನೆಯ ಹಿಮದಲ್ಲಿ
ಉಸಿರಿನ ಹೊಗೆಯಲ್ಲಿ
ಮರಗಟ್ಟುವ ಚಳಿಯಲ್ಲಿ
ಮುಸುಕಿದ್ದ ಮಂಜಿನೊಡನೆ ಸೂರ್ಯನ ಹೋರಾಟ
ಭುವಿ ತಲುಪಲು ರವಿತೇಜನ ಪರದಾಟ

ಮಂಜಿನೊಡನೆ ಬೆಳಕಿನ ಸರಸ
ಹಸಿರು ಹುಲ್ಲಿಗೆಂತೊ ಸಂತಸ
ನೀರ ಹನಿಗಳಲ್ಲೇನೊ ಉಲ್ಲಾಸ
ಹುಲ್ಲಿನ ಅಂಚಿನಲ್ಲೊಂದು ಕತ್ತಿಯ ಛಳಪು
ನೀರ ಹನಿಗಳಲ್ಲಿ ವಜ್ರದ ಹೊಳಪು

ಸೀಳಿ ಬಂದಿರಲು ಸೂರ್ಯ ರಶ್ಮಿ
ಮುಗಿಲೆತ್ತರದ ದಟ್ಟ ಮರಗಳ,
ಹರಡಿದ ಮಂಜಿನ ಪದರಗಳ
ಹೊನ್ನಿನ ತೇರಿನ ಹಾದಿಯದು ಕವಿಗೆ
ಬರಿಯ ಟಿಂಡಾಲ್ ಪರಿಣಾಮವದು ವಿಜ್ಞಾನಿಗೆ

ಹಕ್ಕಿಗಳ ಚಿಲಿಪಿಲಿ ಕಲರವಗಳು
ಟೊಂಗೆಗಳಿಗೆ ಪೋಣಿಸಿದ ಗಾಜಿನ ಮಣಿಗಳು
ಅದರೊಳಗೆ ತೂರಿ ಬಂದ ಸಪ್ತವರ್ಣಗಳು
ನಿರ್ಮಿಸೀತೆ ಮಾನವನ ಕೃತ್ರಿಮ ಜ್ಞಾನ
ಪ್ರಕೃತಿಯ ನೈಜ ಸುಂದರತೆಯ ಸೊಬಗನ್ನ?

ಅಸ್ತಂಗತನಾಗಲು ಅರುಣ
ಸರ್ವಸ್ವವೂ ನಿರ್ವರ್ಣ
ಶೀತಲ ಗಾಳಿಯ ಸಂಚಲನ
ಭಯಾನಕ ಭೀಭತ್ಸ ರಸಗಳ ಆಂದೋಲನ
ಇರುಳ ಸೌಂದರ್ಯದಳೊಂದು ಕ್ರೌರ್ಯದ ಸಮ್ಮಿಲನ

ದೂರ ಸರಿದಿರಲು ಇಳೆ ರವಿಯಿಂದ
ಮೂಡಿದೆ ಇಂತೊಂದು ವೈಪರೀತ್ಯ
ಆಕ್ಷೇಪಿಸಿತ್ತು ಮನ ಆದಿತ್ಯನ ಸುಡುಬಿಸಿಲೆಂದು
ಇಂದು ಬಯಸಿ ಬೇಡಿದೆ ಆತನ ಸಾನ್ನಿಹಿತ್ಯ
ವಸ್ತುವೊಂದನ್ನು ಕಳೆದುಕೊಂಡಾಗಲೆ ತಿಳಿಯುವುದೆ ಅದರ ಬೆಲೆ?

-ವಿನುತ

7 comments:

Rajeev said...

೨೧ ನೆಯ ಶತಮಾನದಲ್ಲಿ
ಗಣಕ ಯಂತ್ರದ ಯುಗದಲ್ಲಿ
ಆಂಗ್ಲ ಭಾಷೆಯ ಪ್ರಭಾವದ ಮಧ್ಯದಲ್ಲಿ
ಸಿನಿಮಾ ಹಾಡುಗಳ ಹಾವಳಿಯಲ್ಲಿ
ಇಂತಹ ಸುಂದರ ಕನ್ನಡ ಪದಗಳನ್ನೊಳಗೊಂಡಿದ ಕವನ
ಆ ಕವಯತ್ರಿಗೆ ನನ್ನ ನಮನ ...

BTW, I am Pratibha's friend and bumped onto your blog when I was reading her blog.

vinutha said...

ಕನ್ನಡವೆಂದು ಸುಂದರ, ಸರಳ
ಆದರೂ ಓದಲಾಗದವರೆ ಬಹಳ
ಓದುಗರ ಸಂಖ್ಯೆ ವಿರಳ
ಹೀಗಿರಲು, ಕವನಕ್ಕೊಂದು ಕವನದ ಪ್ರತಿಕ್ರಿಯೆ
ಸಂತಸ ತಂದಿದೆ ನಿಮ್ಮ ಈ ಪ್ರಕ್ರಿಯೆ

ಧನ್ಯವಾದಗಳು

Rajeev said...

"ಕನ್ನಡವೆಂದು ಸುಂದರ, ಸರಳ" ವಾಕ್ಯವು "ಕನ್ನಡವೆಂದೂ ಸುಂದರ, ಸರಳ" ಆಗಿರಬೇಕಲ್ಲವೇ ?? ಅಥವ "ಕನ್ನಡ ಭಾಷೆಯೆಂದೂ ಸುಂದರ ಸರಳ" ಎಂದಾಗಿರಬೇಕಲ್ಲವೇ ??

ಈ ಅತಿ ಸೂಕ್ಷ್ಮ ವಿಷಯವನ್ನು ತಮ್ಮ ಗಮನಕ್ಕೆ ತಂದಿದ್ದಕ್ಕೆ ಮನ್ನಿಸಿ ...

vinutha said...

ನಿಮ್ಮ ಒಕ್ಕಣೆ ಸರಿಯಾಗಿದೆ, ಆದರೆ ನನ್ನ ತಪ್ಪು ಏನೆಂದು ಸರಿಯಾಗಿ ಕಾಣಿಸ್ತಾ ಇಲ್ಲ. ಹೃಸ್ವ ಮತ್ತು ಧೀರ್ಘ ಗಳ ಈ ತರ್ಕ ನಾನೂ ನಡೆಸಿದೆ, ಉತ್ತರ ಹೇಳಿದರೆ ಸಹಾಯವಾಗತ್ತೆ :) ಆದರೆ ಬರೆಯ ಹೊರಟಿದ್ದು ’ಕನ್ನಡವೆಂಬುದು’ ಬರೆದದ್ದು ’ಕನ್ನಡವೆಂದು’.
ಕ್ಷಮೆ ಕೇಳುವ ತಪ್ಪೇನೂ ನಡೆದಿಲ್ಲ. ಸೂಕ್ಷ್ಮ ವಿಷಯಗಳೆ ಆಘಾತಕಾರಿ ಪರಿಣಾಮಗಳನ್ನು ತರುವುದು. ಹಾಗಾಗಿ ಅವುಗಳ ಕಡೆ ಗಮನ ಅತ್ಯಗತ್ಯ :)

Rajeev said...

"ಕನ್ನಡವೆಂದೂ" ಎಂಬುದನ್ನು "ಕನ್ನಡವು ಎಂದೂ" ಎನ್ನುವ ಅಭಿಪ್ರಾಯ ನಮ್ಮದಾಗಿತ್ತು ...

Pratibha said...

sogasaagide...kavithe mattu meelina vimarshe :)

木須炒餅Jerry said...

That's actually really cool!亂倫,戀愛ING,免費視訊聊天,視訊聊天,成人短片,美女交友,美女遊戲,18禁,
三級片,後宮電影院,85cc,免費影片,線上遊戲,色情遊戲,日本a片,美女,成人圖片區,avdvd,色情遊戲,情色貼圖,女優,偷拍,情色視訊,愛情小說,85cc成人片,成人貼圖站,成人論壇,080聊天室,080苗栗人聊天室,免費a片,視訊美女,視訊做愛,免費視訊,伊莉討論區,sogo論壇,台灣論壇,plus論壇,維克斯論壇,情色論壇,性感影片,正妹,走光,色遊戲,情色自拍,kk俱樂部,好玩遊戲,免費遊戲,貼圖區,好玩遊戲區,中部人聊天室,情色視訊聊天室,聊天室ut,成人遊戲,免費成人影片,成人光碟,情色遊戲,情色a片,情色網,成人圖片區